Serikali nchini Libya imetangaza hali ya dharura ya mwaka mzima kwa lengo la kuzuia kuenea kwa magonjwa ya kuambukiza katika maeneo yaliyokumbwa na mafuriko.
Wiki iliyopita, kimbunga cha “Daniel” kilipiga maeneo kadhaa ya miji ya Benghazi, Al-Bayda, Marj, Susa, Shahatt na Derna.
Shirika la Afya Duniani limeonya kuhusu kuenea magonjwa ya kuambukiza katika maeneo yaliyokumbwa na kimbunga na mafuriko hayo.
Kwa mujibu wa shirika la habari la IRIB, Mkuu wa Kituo cha Taifa cha Kudhibiti Magonjwa nchini Libya, Haidar al-Sayeh alitoa taarifa na kutangaza idadi ya sumu ambazo zimeripotiwa kutokana na matumizi ya maji ya kunywa huko Derna.
Akizungumzia kutotumika maji ya kunywa katika jiji la Derna, Al-Sayeh amesema kuwa, hali ya hatari ya mwaka mmoja itatangazwa katika maeneo yaliyoathiriwa na dhoruba na mafuriko.
