Uongozi wa Kampuni ya makini ya Anglogold Ashanti (ANG:JNB) umepitisha maamuzi ya kubadili soko la hisa la msingi kutoka Johannesburg (JSE), Afrika Kusini, na kuiorodhesha katika soko la hisa la New York (NYSE) nchini marekani kama soko la msingi.

Kampuni hiyo imefikia uamuzi huo siku Ijumaa baada ya wanahisa wakuu kupitisha uamuzi huo kwa asilimia 98.

Kampuni hiyo imeorodheshwa katika masoko ya hisa manne Johannesburg, New York, Ghana na Australia.

Mbali na uamuzi huo wa kuhamisha soko la hisa, pia wanahisa wa Anglogold wamepitisha maamuzi ya kuhamisha makao mkuu ya kampuni hiyo kutoka Johannesburg hadi London, Uingereza.

Sababu kuu iliyosukuma kampuni hiyo kuhama soko la hisa ni kutarajia fedha zaidi za uwekezaji katika dhahabu.